CéKa i Rwanda n'iki?

CéKa i Rwanda n'iki?

Ni ishyirahamwe ridakurikirana inyungu (ASBL) ryashinzwe na Cécile Kayirebwa; akaba umuririmbyi, umuhimbyi, n'umwanditsi w'indirimbo z'ikinyarwanda, mu kinyarwanda, mu majwi no mu njyana bya kinyarwanda. Kayirebwa yashinze iri shyirahamwe muri 1996 mu Bubirigi.

Iri shyirahamwe rigamije iki?

Gutabara, gusigasiga, gusangira, gukwiza, kwigisha umuco w'ikinyarwanda, ukibiye mu ndirimbo, imbyino n'ibisigo bya kinyarwanda.

Impamvu yamuteye iki gitekerezo

Ikinyarwanda n'umuco byahuye n'ubukoloni, n'ibiva hirya no hino bishaka kuwangiza, kandi bigaragara muri byinshi.

Kera abahimbyi n'abaririmbyi n'abasizi n'abahamirizi bagiraga igihe bahabwaga n'ubutegetsi bw'icyo gihe bakajya mu "nganzo" kwiherera kugirango bafate umwanya wo gutekereza no guhimba nta kibahungabanya. Bakagemwurirwa, bagafatwa neza, igihe cyazagera bakanabihemberwa. Wari umurimo w'UBWENGE ugenewe kibika umuco wacu mu bwenge no kuwukwiza.

CéKa i Rwanda ibikora ite?

Yishakamo ibyo izi yahawe n'ababyeyi n'abakuru mu bwana. Yegera abahanga b'ubumenyi ubwa ari bwo bwose. Ishakashaka intore, ababyinyi n'abaririmbyi, bakigira ibintu hamwe, bakabitunganya mu majwi no mu byuma bifata amjwi n'amashusho. Bityo ikabika mu ma CD no mu ma video no mu nyandiko.

Akamaro

Iyo mirimo yose ya "CéKa i Rwanda" ikomeza umuco ikigisha abato n'abakuru, no mu mashuri yakwigisha abana, umuco ntuzacike kandi ntuzanduzwe n'ibiva mu yandi mahanga, ahubwo ikabikoresha ihitamo ibyiza byaho.

CéKa i Rwanda irakangurira umunyarwanda uwo ari we wese kwiyumvamo icyo gikorwa agahagurukira gufasha iri shyirahamwe gukora uwo murimo

Muti dute?

Paypal: cyusa0475@hotmail.com

Bank Transfer: ACCOUNT: BE22 2100 5822 8647 // BIC: GEBABEBB